Presidenti i Serbisë, Aleksandar Vuçiq ka thënë se Serbia po e bën maksimumin për të marrë nga Kosova dhe të humb sa më pak.
Në një intervistë për ‘TV Pink’, Vuçiq ka theksuar se Serbia nuk lufton kundër shqiptarëve por kundër shumë vendeve perëndimore pas pavarësisë së Kosovës, përfshirë Mbretërinë e Bashkuar.
“Ne jemi duke luftuar në kushte të vështira, pothuajse të pamundura që të marrim maksimumin për njerëzit tanë dhe të humbasim shumë pak”, është shprehur Vuçiq.
Ai ka thënë se 19 vende të botës kishin shkelur parimet dhe normat, duke u thënë se Millosheviqi ishte fajtor. Presidenti serb ka shtuar se Rezoluta 1244 nuk flet për Serbinë pasi më shumë përmenden shqiptarët sesa serbët.
Sipas tij, falë papërgjegjshmërisë, Mali i Zi u nda.
“E humbëm Jugosllavinë. Në mars të vitit 2004 kemi pasur një zhvendosje të popullsisë. Në 2008 u shpall pavarësia e Kosovës dhe reagimi i njerëzve të papërgjegjshëm ishte i vonuar, kinse ishin të befasuar”, ka deklaruar Vuçiq.
Vuçiq ka thënë se Serbia nuk do të marrë më pak se çka është ofruar deri më tani.
“N
