Kompania farmaceotike, BionTech që ka prodhur vaksinën Pfizer është shprehur se nuk ka të dhëna që mbështesin sigurinë dhe efikasitetin e vaksinës kundër koronavirusit, nëse doza e dytë shtyhet më shumë se tre javë.
Kompania është shprehur se të dhënat klinike tregojnë se efikasiteti i vaksinës 95%, bazohen në dhënien e dy dozave me një diferencë kohore prej tri javësh.
Ky reagim nga kompani ka ardhur pasi, Danimarka ditën e djeshme ka thënë se doza e dytë pë ata që janë vaksinuar do ta marrin deri në gjashtë javë.
Mbretëria e Bashkuar ka thënë se do të presë deri në 12 javë deri sa të japë dozën e dytë.
“Vendimet për regjimet alternative të dozimit u përkasin autoriteteve shëndetësore, por ne besojmë se doza e dytë nevojitet për të siguruar mbrojtje maksimale kundër sëmundjes”, tha kompania BioNTech.
