Bardh Spahia, i cili në zgjedhjet e pjesshme të 6 marsit garonte nën siglën e koalicionit “Shtëpia e Lirisë” do të jetë kryetari i ri i bashkisë së Shkodrës. Spahia mbështetet edhe nga ish lideri i PD, Sali Berisha.
Në këto zgjedhje, ai arriti që të mundte në garë dy rivalët e tjerë, Majlinda Angonin nga PS dhe Xhemal Bushatin nga Partia Demokratike
Deri më tani, janë hapur 245 kuti votimi nga 250 kuti, ku rezulton se më së shumti vota ka siguruar kandidati i Shtëpisë së Lirisë, Bardh Spahia 19.976 vota, ndjekur nga kandidatja e PS, Majlinda Angoni me 18.029 vota dhe kandidati i PD, Xhemal Bushati me 7.565 vota.
