Ish-kryeministri Sali Berisha në konferencën për mediat pas protestës në sleinë e PD-së, u shpreh se brenda selisë kishte persona me rreikshmëri të lartë, duke treguar se njëri prej tyre ishte me mbiemër Shata.
“Që aty ka vrasës, kjo dihet, njëri prej tyre është me mbiemër Shata. Që aty ka persona në kërkim kjo është evidente, janë parë me foto. Ka persona të grupeve fundamentaliste”, u shpreh Berisha.
Ndërkohë, vetë Sefer Shata, i akuzuar nga Sali Berisha, ka reaguar për akuzat ndaj tij. Ai tha për News 24 se emri i tij ëhstë përdorur në një foto që nuk ka lidhje me të. Shata deklaroi se ka qenë ditën e sotme në selinë e PD-së, por mohon të jetë personi që pretendon Berisha.
“Më ka nxjerrë një foto më ka ngatërruar me një person aty. Nuk jam ai i fotos, jam aktivist i PD, por nuk jam personi në foto. Më kanë shqetësuar familjen. Nuk kemi ngjashmëri. Kam qenë shoqërues i vjetër në PD, që nga Eduard Selami Tritan Shehu kemi shoqëruar edhe Berishën. Jam pishtar i demokracisë. Jam dekoruar edhe nga vetë z.Berisha. Nuk jam pjesë e asnjë organizate kriminale.” u shpreh ai.
