Sali Berisha, dje ka lëshuar disa marrëzi njëkohësisht.
Fillimisht tha se një turisti në Sarandë i kishin prerë veshin, ndërsa në rastin e dytë bëri të vdekur një 15-vjeçar në Velipojë, pasi sipas tij, autoambulanca kishte vajtur me vonesë.
Në të dyja rastet, u përgënjeshtrua.
Fillimisht ishin të afërmit e djalit në Velipojë, që i shkruajtën se ajo që thoshte ai nuk ishte e vërtetë, dhe për këtë arsye Berisha u detyrua të fshijë postimin e tij.
Ndërsa më pas reagoi edhe pronari i bar “Orange Club” në Sarandë, Spiro Iljadhi, që u akuzua nga Berisha se i kishte prerë veshin një turisti, nën praninë e pesë punonjësve të policisë.
“Pershendetje Doktor! Jam Spiro Iljadhi, pronar i “Orange Club” ne Sarande. Duke shprehur konsideraten per ju, po ju ve ne dijeni qe ne mjediset e brendshme apo te jashtme te lokalit tone, nuk ka ndodhur asnje ngjarje e ngjashme apo e njejte me ate qe qytetari dixhital ka derguar tek ju.
Askush nga pjestaret e stafit te lokalit tone nuk ka marre pjese ne ngjarje te tille dhe as nuk kemi dijeni se cfare mund te kete ndodhur diku gjetke.
Perpiqemi t’u sherbejme pushuesve me mund e djerse duke garantuar qe jo vetem ata te kenaqen dhe argetohen por edhe te ndihen te sigurte tek ne.
Cdo mesazh ne adrese tuaj nga njerez anonime eshte thjesht xhelozi dhe inat per arsye konkurrence. Ju faleminderit per mirekuptimin”, thuhet në reagimin e Iljadhit.
Portalet ndërkohë, vazhdojnë botojnë marrëzitë e Berishës, pa bërë asnjë verifikim.(TemA)
