Dy shtetas shqiptarë, të dyshuar për vjedhje dhe plaçkitje banesash dhe bizneseje, janë arrestuar nga karabinierët në fshatin Tor San Lorenzo, në Lazio të Italisë. Operacioni u realizua pas një sinjalizimi për vjedhje shtëpish, dhe si rezultat, autorët u kapën në flagrancë, teksa tentonin të arratiseshin nga vendngjarja. Ata u ndaluan pas një ndjekjeje nga forcat e rendit.
Si prova, karabinierët sekuestruan jo vetëm sende të vjedhura, por edhe valixhe profesionale me mjetet e nevojshme për realizimin e vjedhjeve, përfshirë leva, pinca, trapano, troko, kazmë dhe një ndezës për shpërthim të lokalizuar. Këto vegla tregojnë se dy shqiptarët, të cilët kishin precedentë penalë, ishin të pajisur për të realizuar grabitje të përgatitura mirë, me synimin për të sulmuar edhe shtëpi të tjera në zonë.
