Ish- ministri i Drejtësisë, Ylli Manjani ka bërë “fajtor” presidentin Ilir Meta për mosveprimet e tij, sa i përket krizës politike në të cilën po kalon vendi i ynë. I nxitur nga deklaratat e PD dhe LSI se nuk do të lejojnë që të zhvillohen zgjedhjet e 30 qershori, Manjani shkruar se Meta duhet të ndërhyjë sa më parë të jetë e mundur, për t’u ofruar garanci qytetarëve që të kenë mundësi që të vënën në zbatin një nga të drejtat e tyre: të drejtën e votës. Ai ka cituar nenin 86.1 të Kushtetutës dhe duke bërë një analogji me atë se çfarë ndodhi në 2007, i kërkon Metës që të “bëjë gjysmën e asaj që bëri presidenti i asaj kohe, Moisiu”.
“I lexuar më thjeshtë, neni 86.1 i Kushtetutës do të thotë se: 1.Shoqëria (populli) paguan kryetarin e shtetit të saj për të garantuar unitetin e saj. 2.Uniteti i shoqërisë më së pari ruhet dhe garantohet për çështje themelore, si demokracia, liritë dhe të drejtat themelore, tërësia territoriale, historia gjuha e kultura e popullit dhe funksionimi i shtetit në tërësi. Po për ç’demokraci, shtet e shoqëri unike flasim kur të paktën gjysma e popullit është sot jashtë sistemit demokratik?!
Kjo është dita që Presidenti të veprojë dhe jo të fshihet! Le të bëjë, të paktën aq sa bëri Presidenti Moisiu në vitin 2007, kur Edi Rama nuk u regjistrua për zgjedhjet lokale të atij viti… Presidentit nuk po i kërkohet të ndajë fituesin e zgjedhjeve, por të garantojë pjesëmarrjen e popullit, pa dallim politik, në to!!”– shkruan Manjani.
