Një nga bebet më të vogla në botë ia doli të mbijetojë duke mrekulluar kështu jo vetëm familjen, por të gjithë mjekët që u morën me të. Pas 6 muajve në spital, vogëlushja e quajtur Manushi ia ka dalë të shkojë në shtëpi e shëndetshme.
Për shkak se e ëma kishte shumë probleme gjatë shtatzënisë, ajo lindi 12 javë para kohe dhe peshonte vetëm 400 gram. E lindur në Indi, fillimisht foshnja nuk merrte frymë, duke i bërë të gjithë të mendojnë se nuk ka asnjë shans mbijetese. Organet e bebit më të vockël ishin krejtësisht të pa zhvilluara, e ndërsa këmba e saj kishte madhësinë e një thoi.
Ndonëse shanset për të jetuar ishin vetëm 0.5 përqind, vogëlushja nisi të fitojë peshë, por lufta për mbijetesë vazhdoi.
“Kur lindi, ishim të gjithë të pasigurtë se çdo të ndodhte me të.”- është shprehur e ëma.
Pas transfuzionit të gjakur dhe aparaturave të frymëmarrjes, ajo nisi të krijojë imunitet. Ndonëse kostot e mjekimeve ishin të shumta, doktorët janë mrekulluar nga ajo ç’ka kanë parë përgjatë muajve.
Burimi: The Independent
