Kryeministri Edi Rama nga Fieri akuzoi opozitën se po ngjall terror te qytetarët, kryesisht te moshat e reja me deklarata e tyre se spitalet COVID janë në kolaps.
Ai për këtë ka lexuar mesazhin e një personaliteti të njohur, por që nuk ia tha emrin, i cili e kishte falenderuar, pasi pa videon e publikuar nga qeveria brenda spitaleve COVID.
Nga ana tjetër nuk kanë munguar thumbat për presidentin Ilir Meta nga Rama. Madje kryeministri sulmoi jo vetëm Metën, por edhe kryetaren e LSI-së, Monika Kryemadhi.
“Ishte e mundur që të bashkëpunoja me Metën, por sot nuk ka mundësi, është një ndërmarrje e rrënuar, mes njërit që nuk bën presidentin, por bën sekserin e kësaj ndërmarrje, dhe një tjetër që duhet të jetë Zonja e Parë, por bën menaxherin e kësaj ndërmarrje “, tha Rama.
