Partia Socialiste zyrtarizoi sot emrat e kandidatëve të saj për 59 bashki të vendit duke i dhënë fund dilemave. Pas më shumë se 90 minuta mbledhje me kryesinë, kryesocialisti Edi Rama tha se PS është gati për fushatën elektorale.
Ndërkohë, në tryezën e diskutimeve është ende Bashkia Selenicë ku janë duke u shqyrtuar tre kandidatura të mundshme.
Burime nga Partia Socialiste, bëjnë me dije për gazetën “TemA” se aktualisht po diskutohet mes Simbol Pazajt, Pëllumb Binajt por edhe deputetit Vullnet Sinaj.
Më herët kryeministri Edi Rama, i pyetur lidhur me qytetet ku nuk janë zyrtarizuar kandidaturat, u shpreh se janë disa çështje proceduriale të cilat shumë shpejt do të bëhen publike.
Bashkia e Selenicës shtrihet në një zonë kodrinore në bregun e majtë të lumit Vjosa si dhe përgjatë lumit Shushicë, i cili është tributar i Vjosës.
