Kryetari i Partisë Demokratike, Lulzim Basha ka folur nga protesta e banorëve të Astirit.
Ai thotë se me protestat e organizuara apo mbështetura nga PD, kryeministrit Edi Rama i është prishur qetësia.
Lideri demokrat tregon se nuk ka si qëllim t’i shfrytëzojë këto revolta personalisht por është aty për të përkrahur kauzën e banorëve.
“Tani vijmë tek protesta e studentëve. Edi Rama nuk investon për arsimin.
Lekët që duhet të shkonin për të arsimuar rininë, shkojnë në vend tjetër. Por ai i mban të rinjtë injorante.
Gjithçka nis nga rinia. Dhe kësaj mund ti kundërvihemi me bashkim.
Të rinjtë e kanë kuptuar, do i përshëndes nga zemra. Kanë arritur që të krijojnë një shtangie. I ka pritur rehatin hajdutëve.
Merremi pak me gjërat e rëndësishme shikoni çfarë po ndodh kemi protestën te Unaza që duan t’i nxjerrin nga shtëpitë para dimrit. Kemi protestën në Shkozë që i kanë premtuar me video dhe më zë që nuk do i prishim shtëpitë.
Dhe kemi protestën e studenteve që duan të vjedhin vit pas viti tarifa. Çfarë i bashkon këto protesta? Një qeveri që ka vetëm grabitjen.
Motivi që i bashkon është vetëm grabitja. Ketu te Unaza e Re ka një aferë të konsiderueshme korruptive”, tha Basha.