Drejtuesi politik i qarkut të Korçës në Partinë Demokratike, Ervin Salianji ka nisur takimet me demokratët e këtij qarku Përmes një postimi në Facebook, Salianji shkruan se zotimi është se gjithkujt do t’i jepet mundësi dhe jo ofiqe tarafesh të ngushta.
Ai thotë se demokratët kanë zgjedhur të ardhmen dhe do t’i shtrijnë dorën kujtdo që ka kontribut.
“Si shumë prej demokratëve të tjerë e kemi nisur nga zero dhe e di si është rrugëtimi brenda partisë, i di hilet, padrejtësitë dhe mungesën e meritës! Bashkë kemi zgjedhur të ardhmen dhe së bashku do ti shtrijmë dorën kujtdo që ka kontribut, zotimi është se gjithkujt do ti jepen mundësi dhe jo ofiqe tarafesh të ngushta”, shkruan Salianji.