Ambasadorja amerikane në Shqipëri ka deklaruar se një demokraci e fortë kërkon qytetarë të informuar dhe angazhuar për të ushtruar presionin tek autoritetet.
“Një demokraci e fortë dhe e shëndetshme kërkon qytetarë që janë të informuar, të angazhuar dhe t’i mbajnë autoritetet përgjegjëse”, shkruan Yuri Kim teksa ka publikuar një foto në Instagram me aktivistin Adriatik Lapaj.
“Faleminderit Adriatik Lapaj për një diskutim serioz mbi cilësinë e demokracisë sot në Shqipëri dhe për përgjegjësinë dhe fuqinë e qytetarëve të rregullt për të menduar vetë, për të ushtruar të drejtat e tyre dhe për të luftuar për drejtësi”, shkruan më tej ambasadorja e SHBA.
