Në lagjen ’28Nëntori” në Vlorë ku u ekzekutua Laertjad Kekaj ka shumë kamera sigurie dhe policia tashmë ka nisur punën për sekuestrimin e pamjeve të cilat mund të ndihmojnë në zbardhjen e dinamikës së atentatit por dhe të autorëve.
Një video që po qarkullon me shpejtësi mendohet se do i vijë në ndihmë grupit hetimor për të zbardhur vrasjen.
Në pamjet e videos të siguruar edhe nga Report Tv shfaqen 3 persona të cilët largohen me vrap për shkak të të shtënave që mund të jenë qytetarë të thjeshtë. Një i katërt, i cili besohet se është Laertjad Kekaj i plagosur, vrapon për t’u shpëtuar plumbave. Disa sekonda më vonë në video shfaqet një “Audi” me ngjyrë gri, i cili lëviz me shpejtësi në drejtimin që vrapon i plagosuri.Disa momente më vonë, e njëjta makinë bëjë kthim mbrapa disa sekonda dhe më pas niset në të njëjtin drejtim nga u larguan personat me vrap.
Nga dinamike e ngjarjes mësohet se njëri prej agresorëve mendohet se zbriti nga makina, e ndoqi në këmbë dhe e qëlloi sërish, derisa u sigurua ta linte të vdekur. Më pas u kthye në makinën me targa italiane dhe u deshën pak minuta që makina e autorëve, të cilët mendohet se ishin 3, të dilte jashtë Vlorës.
Videoja në monitor ka datën 9 shtator 2023
