Një grup hetimor po punon për të zbardhur atentatin ndaj Roan Brahimit mbrëmjen e 9 majit 2024 në Athinë. 32 vjeçari i njohur dhe si armiku i Ervis Martinajt nuk jetonte në Greqi por kishte shkuar në Athinë për të festuar Pashkët me familjen, e cila jetonte në një banesë marrë me qira afër vendit ku dhe u ekzekutua
Roan Brahimi jetonte në Dubai por mbahej në vëzhgim deri mbrëmjen e djeshme kur dhe u ekzekutua në lagjen Vyronas (Byron) në afërsi të Athinës në Greqi.
Ai ndodhej brenda në makinën e parkuar, një makinë e zezë luksoze – së bashku me bashkëshorten e tij, ndërsa në një distancë jo shumë larg 7 – 8 metra ka qenë djali i tyre i vogël i cili po luante në një park lojrash.
