Një nga “kokat” e mafias greke është ekzekutuar në Athinë.
Vasilis Stefanakos, një person i njohur i botës së krimit në Greqi, ka mbetur i vrarë, pasi persona të panjohur e qëlluan me breshëri automatiku ndërsa ndodhej në makinën e tij të tip BMW.
Sipas dëshmitarëve, ishin dy persona me motoçikletë që kryen atentatin ndaj 57-vjeçarit.
Megjithëse makina e viktimës ishte e blinduar, ai tentoi të dilte nga mjeti i tij, një gabim i shmangshëm, që rezultoi fatal për Stefanakos.
Stefanakos, i cilësuar si një nga krerët e mafies greke, kishte dalë nga burgu para disa kohësh, duke përfituar nga dispozitat favorizuese të një ligji që u miratua kohët e fundit.
Vasilis njihet veç të tjerash edhe për lidhjet e tij me të burgosurin e famshëm shqiptar Alket Rizai.
Ai ishte dënuar edhe si porositësi i një vrasjeje që kishte kryer Rizai, ndërsa ishte akuzuar edhe për tentativën për arratisjen me helikopter të Alket Rizait dhe të shumëkërkuarit Vasilis Palokostas.
