Njerëzit fetarë janë, mesatarisht, më pak inteligjentë sesa ateistët, thonë studiuesit.
Me numrin e njerëzve me një besim fetar në rritje – parashikohet se njerëzit pa ndonjë besim fetar do të përbëjnë vetëm 13% të popullsisë globale deri më 2050 – studime të ndryshme kanë hulumtuar marrëdhënien mes bindjeve fetare dhe IQ-së.
Dhe tani, në një shkrim të publikuar në Frontiers in Psychology, studiuesit thonë se arsyeja pse njerëzit fetarë janë më pak inteligjentë mund të jetë për shkak se ata varen shumë në intuitën e tyre.
“Është vërtetuar mirë se religjioni lidhet në mënyrë të tërthortë me inteligjencën”, thekson Richard Daws dhe Adam Hampshire nga Kolegji Imperial London, transmeton Gazeta Express.
Në anketën e më shumë se 60,000 pjesëmarrësve online të cilët duhej të tregonin a ishin ateistë, fetarë apo agnostikë, secili person duhej të plotësonte një set prej 12 detyrave njohëse që matnin planifikimin, arsyen, vëmendjen dhe kujtesën.
Në përgjithësi, hulumtimi zbuloi se ateistët performonin më mirë sesa fetarët edhe kur faktorët demografik si mosha dhe arsimi u morën në konsideratë. Agnostikët u vendosën mes ateistëve dhe fetarëve në të gjitha detyrat.
