Sali Berisha tha këtë të martë nga Fieri se Lulzim Basha është peng i Edi Ramës.
Ai sulmoi Bashën duke përsëritur se përjashtimin nga grupi parlamentar të PD-së e bëri me kokën e tij.
“Ata që janë në këtë sallë që kanë mëbshtetur Lulzim Bashën. Ata që e mbështesin dhe s’e duan Lulzim Bashën. Ju them vetëm një fjalë: Lulzim Bashën e ka mbështetur më shumë se ju Sali Berisha. Ju dhe unë kemi mbështetur kryetarin e PD. Asnjërit nga ne nuk na shkonte ndër mend se kryetari jonë i marrë peng një ditë pa pyetur asnjë njeri, asnjë parim dhe asnjë nen statuti të dilte me një vendim për te dorëzuar sovranitetin. Ne kemi një shprehje: Më mirë qiri i fikur se sa qiri i fëlliqur!” – tha Berisha.
Ai shtoi se çdo gjë nuk po e bën për veten e tij, por për Partinë Demokratike!
