Kryeministri Edi Rama ka shpalosur disa prej projekteve madhore në infrastukturë që sipas tij do të përfundojnë me mandatin e tretë të socialistëve.
Nga Asambleja Kombëtare e Partisë Socialiste, Rama tha se javën e ardhshme do të nisë puna për autostradën Milot-Fier. Ndërsa shumë shpejt do të fillojë edhe puna për ndërtimin e hekurudhës Tiranë-Durrës.
Fundi i mandatit të tretë do ta gjejë Shqipërinë me 4 aeroporte, tha Rama, ku përveç ekzistuesit, do të ndërtohet edhe ai i Kukësit, Aeroporti i Vlorës dhe Aeroporti i Sarandës.
Rama premtoi edhe ndërtimin e disa porteve të reja, ai turistik në Sarandë, porti i ri në Porto Romano, ndërsa porti aktual i Durrësit do të shndërrohet në port turistik. Gjithashtu Rama tha se do të investohet edhe te porti i peshkatarëve në Vlorë.
Së shpejti, tha Rama, do të nisë edhe ndërtimi i autostradës Milot-Murriqan, pjesë e Korridorit Blu.
