Paraditen e kësaj të hëne ,artistët i kanë dërguar një letër Presidentit Ilir Meta duke i kërkuar rishikimin e projektligjit që i hap rrugë prishjes së Teatrit Kombëtar.
Në një deklaratë para mediave ata kërkuan nga Meta që të mos e dekretojë këtë ligj, duke u shprehur se Gjykata Kushtetuese mungon për shkak të kuorumit, ndaj edhe duhet të ndërhyjë për të rishikuar ligjin, si hallka e fundit.
“Përgjegjësia bie mbi ju dhe është vendimtare. Ligji shkel balancën mes pushteteve. Ju duhet të ishin filtri i parafundit në këtë proces. Por meqë mungon Kushtetuesja, ju jeni filtri i fundit. Riktheheni atë për rishqyrtim”, thuhet në letër.