Ditën e djeshme këngëtarja e njohur shqiptare Elsa Lila ra në prangat e policisë Italiane, pas akuzave për bashkëpunim me trafikantë të drogës.
Ngjarja u fol shumë në mediat shqiptare por edhe ato italiane, se si artistja shqiptare ra në pranga. Në fakt ky lajm bëri bujë në mediat tona pasi nuk pritej që një artiste e përmasave të tilla të ishte pjesë e një bande trafiku droge.
Pas kësaj ngjarje nuk nguruan të shkruanin dhe të jepnin mbështetjen e tyre ndaj Elsa Lilës edhe personazhe të tjerë, si Rezarta Shkurta, Milaim Zeka, Neda Balluku, etj.
Por si reaguan ata dhe i dolën në mbështetje këngëtares Elsa Lila?
Alpenews.al ju sjell postimet e tyre.
Neda Balluku shprehet se njerëzit vërshojnë me kritika dhe gjykime pa ditur se si është ngjarja e vërtetë. “A do mundim sot të hapim debatin, se si Elsa artiste, e talentuar, e bukur dhe me jetë në perëndim, nuk ja doli dot vetëm me kaq?”, shkruan mes të tjerash ajo.(KLIKO PËR TA PARË TË PLOTË)
Rezarta Shkurta mbështet Lilën dhe shprehet se e ka dashur që kur ishte fëmijë dhe do ta dojë përjetësisht.
“Unë Elsën e kam dashur që kur isha fëmijë dhe do e dua përjetësisht. Le ta nisim me pak art të vërtet, që një artiste e madhe e sjell lehtë. Pa temenara, vetëm me zërin e shpirtit”, shkruan ajo krah videos së Lilës duke performuar në skenë.
Gazetari i njohur nga Kosova, Milaim Zeka, përmes një postimi në llogaritë e tij personale në rrjetet sociale, e ka konsideruar Elsën si një njeri fantastik dhe artiste brilante.
“1000 here me burgos, 2000 here me denu, per mu, Elsa Lila mbetete njeri fantastik, artiste brilante.Vetem kafshëria mediatike shqipetare te denojne, fyejne e persekutojne, me keq se sa prokuroret taleban!”, ka shkruar analisti krah fotos në Facebook të Elsa Lilës me vajzën e saj.
Edhe gazetari Enton Alibekaj i ka dalë në mbështetje Elsa Lilës duke kujtuar pjesëmarrjen e saj në Sanremo.
Postimi:
Elsa Lilen e njoh nga larg si nje vajze qe ka vuajtur shume qe kur humbi nenen dhe pastaj u rrit para kohe dhe me mundim. Nje vajze me ze te arte, me te cilin pushtoi skenen shqiptare dhe arriti deri ne Sanremo. Aty, ne tempullin e muzikes italiane, beri ate qe nuk e ka bere askush, pershendeti ne shqip. Edhe mund ta kete penalizuar veten me kete, por neve na beri krenare.
Me tej jeta e saj artistike dhe private ka patur ulje- ngritje.Kjo e sotmja eshte pika me e ulet, por, pertej humorit qe behet me te drejte, personalisht vazhdoj te shpresoj se do te dale e pafajshme. Si shqiptar ende nuk ia kam shlyer borxhin e asaj nate te paharrueshme ne Sanremo./ Alpenews.al
