Artan Fuga ka dalë kundër gjithë opinionit publik, pas suksesit të Eugent Bushpepës në Eurovizion.
Këngëtari ka arritur të shkojë në finale dhe ka marrë shumë lëvdata për performancën e tij.
Por sipas Fugës, ajo këngë është skandal, pasi nuk përfaqëson Shqipërinë.
“Kush ka turp që është shqiptar!
Hajde kuptoje cfarë dreqin e Zotit ka RTVSH qe con kenge pa pike identiteti muzikor shqiptar në eurosong?
Cfarë keqkuptimi disavjecar!
Duan të hiqen si gjoja europian, dhe harrojnë se Europa është pikërisht mozaiku i kulturave të ndryshme ku ajo shqiptare si traditë nuk është hiç më pak sesa kultura muzikore e popujve të tjerë.
Mirë që harxhojnë lekët tona kot fare duke prodhuar pa ngjyrë, pa erë, pa shije, por na paraqesin edhe si komb shterpë, në vend të shfaqen me identitetin tonë.
Cfarë dreqin ky provincializëm pa kuptim që na paraqet ashtu sikurse nuk jemi nga frika se mos ashtu sikurse jemi në rrënjët tona nuk u pëlqejmë!
Kush ka turp që është shqiptar?
Dhe jo vetëm në eurosong, por edhe në mjaft emisione të tjera televizive ku imitohet pa pikë shije modeli i huaj i degjeneruar; dhe jo sikurse ai është në të vërtetë, plot sharm dhe cilësi, i mbytur në ujëra të ndejtura deri në kulm.
Mjaft o mjaft!
Televizioni më i shtrenjtë në prodhimin e një mibnute turansmetim.
Noton në lekë, të mbledhura me dhunë burokratike, dhe niveli i audiencave për ibret, dhe kërkon edhe më fort lekë duke e zhytur dorën buçko edhe më thellë në xhepat e pantallonave tona të grrisura”, shkruan Fuga.(TemA)
