Opozita e bashkuar që bëhet shpesh edhe e “ndarë”, duket se e ka kthyer qëllim në vetvete ti bashkohet çdo proteste të bërë nga qytetarët apo shoqëria civile për motive nga më të ndryshmet.
E vërteta është, se asnjëherë nuk kanë qënë të mirëpritur duke u vetëftuar gjithmonë pa dhënë asnjë fryt në këmbim.
Veç Teatrit, protestës në Kukës dhe së fundmi Astirit, pati sot një tentativë nga ana e deputetëve të opozitës që të bëheshin pjesë e protestës së studentëve.
Ata të “mëdhenjt” jo, por me delegimin e personave nga forumet rinore donin të tregonin përfaqësinë e tyre edhe pse shumica janë në Universitete private.
Belind Këlliçi, kryetar i FRPD sot tek protesta e studentëve
Sidoqoftë, arsyet se përse opozita duhet të qendrojë larg kësaj proteste janë të shumta duke hequr dorë njëherë e mirë nga futja “pavend” duke i shndërruar me dashje në kaozat e veta.
Edhe pse pasditen e sotme kreu i demokratëve ishte në protestën e Astirit, nuk e la pa permendur faktin se i përshendeste me zemër studentët.
Ajo që ra tjetër në sy ishin edhe djemtë e vajzat e LRI që e kishin marrë këtë protestë më seriozisht se ata që realisht mund të prekeshin nga vendimet.
“Bodyguardi” i Monika Kryemadhit sot në protestë
Kujtojmë se qeveria e anulloi vendimin e VKM për tarifat e provimeve të mbartura. Kështu që, opozita e humbi në “ajër” një përvetësim të një kaoze, pa filluar ende mirë.
Basha tek “Unaza e Re”
Basha tek “Teatri”
Basha dhe protesta e Kukësit:
/AlpeNews.al
