Numri i qytetarëve të vaksinuar kundër covid-19 në Shqipëri ka shkuar në 850 mijë. Qeveria ka vënë si objektiv që deri në fund të këtij muaji të arrihen të vaksinohen 1 milionë qytetarë, çka duke parë ritmin e procesit të vaksinimit tashmë duket mese e realizueshme.
Fushata e vaksinimit në vendin tonë ka nisur që në muajin Janar. Vaksinat që po përdoren në vendin tonë janë Pfizer, AstraZeneca, Sinovac dhe Sputnik V.
Sa i përket rasteve aktive me covid janë vetëm 134 të tilla në të gjithë vendin. Shkodra është qarku me prezencën më të madhe të Covid-it me 43 raste, e ndjekur nga Tirana me 41 raste. Edhe në Berat, krahasur me qarqet e tjera, numri është relativisht i lartë, me 15 raste aktive.
Pas Vlorës, duket se edhe Fieri po del nga harta e covid, pasi ka vetëm 1 rast aktiv.
Edhe situata në spitale duket më e qetë pasi numri i pacientëve ka zbritur në 18, prej të cilëve 5 ndodhen në terapi intensive.
Shpërndarja gjeografike e rasteve aktive sipas qarqeve:
Shkodër 43
Tiranë 41
Berat 15
Durrës 11
Lezhë 6
Elbasan 5
Gjirokastër 4
Korçë 3
Dibër 3
Kukës 2
Fier 1