Një aksident është regjistruar në Durrës, ku për pasojë një grua ka mbetur e plagosur. Në aksident u përfshinë 3 mjete.
Burime zyrtare nga policia bënë me dije se pas hekurave përfundoi shtetasi me inicialet A. D., 42 vjeç, banues në Durrës, pasi në rrugën “Martin Camaj”, duke drejtuar mjetin tip “Volkswagen”, është përplasur me mjetet “Volvo” dhe “Hyundai”, për pasojë është lënduar pasagjerja e mjetit “Volvo”. Kjo e fundit ndodhet në spital nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës dhe Krujë, për veprime të mëtejshme.
