Policia italiane ka arrestuar shtetasin Bruno Pometi, i cili u dënua në Shqipëri, pasi mashtroi me një çek të falsifikuar një bankë të nivelit të dytë, duke tërhequr para në vitin 2012 në Elbasan.
Prej 2 vitesh ishte në kërkim nga policia shqiptare, ndërsa në vitin 2015 u dënua me 7 vite burg me akuzën e vjedhjes së bankave dhe arkave të kursimit.
Pometi ishte me rezidencë në Itali, ndërsa u prangos këtë të hënë në një hotel të njohur në Ciocaria, një qytezë në provincën e Frosinones në Itali, ndërsa policia italiane ka njoftuar Interpol Tiranën për arrestimin e tij.
/shqiptarja