Në një dalje për mediat nga selia blu, kreu i PD-së, Lulzim Basha kërkoi lirimin e personave të arrestuar pas protestës së djeshme në rrugën e Kombit.
Basha u shpreh se Rama dhe policia e tij lënë të lirë trafkantët e drogës, por arrestojnë qutetarët e pafajshëm.
“Policia nuk arrestoi Arbër Çekajn, personi i cili trafikoi 613 kg drogë nga Kolumbia, por e njëjta polici bën terror në shtëpitë e kuksianëve
Me urdhër të Edi Ramës kjo polici u hodh në sulm politik ndaj njerëzve të pambrojtur
Kreu i Partisë Demokratike ka akuzuar kryeprokuroren Arta Marku se ajo po punon si hetuesi i Edi Ramës.
Basha po ashtu i kujtoi të shkuarën dhe tha se Marku ka një të shkuar të njollosur dhe ka hequr të drejtat padrejtësisht qytetarëve.
“I bëjmë thirrje prokurorisë që të ndalë menjëherë këtë gjë të lë të lirë të gjithë të arrestuarit. Ajo ka një të shkuar të njollosur nga kufizime të padrejta të kufizimit të lirë së qytetarëve. Të ndal menjëherë së vepruari si hetuesi politike e Edi Ramës.
Prokuroria duhet të shpallë prioritet kombëtar luftën kundër drogës, dosjet e Saimir Tahirit, Dakos, Gjiknurit, Beqajt, Balilit, Habilajt, dhe kriminelëve të tjerë, që duhet të jenë fokusi i saj”, deklaroi Basha.
Arrestimet e kryera në mesnatë kanë vetëm një qëllim nënshtrimin e banorëve të Kuëksit dhe jo vetëm, për të mos ngritur krye mbi bandat plaçkitëse të shtetit”, tha Basha
Për arrestimin e 23 qytetarëve këshilli bashkiak në Kukës ka kallëzuar penalisht policinë dhe prokurorinë e Kuëksit.
“Kërkojmë lirimin e menjëhershëm pa asnjë kusht të protestuesve. I bëj thirrje prokurores së Përgjithshme të ndalë të vepruarit si hetuese politike e Edi Ramës.
Dua tu them qytetarëve të Kukësit që të mos tremben dhe të mos tëhiqen nga të drejtat e tyre.
Luftoni për jetën tuaj dhe të fëmijëve tuaj, e drejta është në anën tuaj”, u shpreh Basha
