Arrestimi më i fundit dhe i bujshëm ishte ai i rreperit të njohur si Stresi, emri i vërtetë Arkimed Lushaj.
Sipas policisë, Stresi ishte prej muajsh nën hetim pas dyshimeve se bënte pjesë në një organizatë kriminale.
Ajo që bëri përshtypje ishte pikërisht momenti kur iu vunë prangat. Kjo pasi u gjet në shtratin e një hoteli, i zhveshur me një femër. Kujtojmë këtu se vetëm para pak muajsh rreperi ka shpallur fejesën.
E megjithatë, rastë te tilla të “veçanta” e të papritura arrestimesh nuk janë të pakta.
Kujtojmë terroristin nga Lushnja që u arrestua teksa po hante syfyrin e Ramazanit.
U arrestua nudo në krevatin e hotelit me një femër
Stresi u arrestua si pjesë e një grupi kriminal të trafikut të drogës dhe krimeve kundër personit.
Gjatë arrestimit i janë gjetur dhe sekuestruar në cilësinë e provës materiale një sasi e vogël lënde narkotike e dyshuar kokainë, një armë zjarri pistoletë e tipit “Pjetro Beretta”, si dhe 12 fishekë të modelit 7.65 mm.
Bashkë me Stresin ka qenë dhe 20-vjeçarja me inicialet P.Ç. e cila është në ndjekje penale për ‘moskallëzim krimi’.
U arrestua kur ishte duke ngrënë syfyrin
Baki Çoku 40 vjeç nga fshati Gërmenj i Madh i Lushnjës u arrestua nga njësitë e antiterrorit në orën 4 e 30 të mëngjesit në momentin që ishte duke ngrënë syfyrin e Ramazanit.
Kërkesa për arrestimin e tij kishte ardhur nga autoritetet italiane, pasi Prokuroria e akuzon për krijim të organizatës kriminale me qëllim kryerjen e akteve terroriste në Itali.
Futbollisti shqiptar u arrestua kur po merrte trofeun
Armando Aruci, sulmuesi kryesor i Virtus dhe golashënuesi më i mirë i kampionatit të San Marinos, dje është arrestuar nga policia italiane pikërisht pak minuta para se të merrte trofeun e futbollistit më të mirë pas finales së kampionatit mes Tre Pene dhe La Fiorita.
Kjo pasi, sulmuesi shqiptar kishte një rol kryesor në manipulimin e ndeshjeve të skuadrës së tij.
Përgatiti: AlpeNews.al
