Banorët e fshatit Topojan dhe Brekije të Kukësit ndihen të kërcënuar nga ariu.
Kafsha e egër prej disa javesh tashmë po shkatërron të gjithë fshatin, ndërsa së fundmi ka sulmuar një 36 vjeçar i cili po shkonte në punë.
Banorët kërkojnë ndihmë për të shpëtuar jetën e njerëzve.
Edhe pse i kanë provuar të gjitha mënyrat për ta larguar ariun, duke ndezur zjarre dhe duke krijuar zhurma të forta duket se asnjë mënyrë nuk po funksionon.
Kafsha e egër është strehuar në një pyll dhe bonorët thonë që e kanë parë me kelyshet e saj në një distancë të largët shumë pranë fshatit, ndërsa gjatë natës sulmon bagëtitë.
Kafsha e mbrojtur me ligj, nuk mund të vritet, por në këtë situatë banorët kërkojnë ndërhyrjen e menjëhershme të strukturave kompetente për të shpëtuar fshatin.
