Anxhela Peristeri nuk është një nga ato rastet që ‘vlerësojnë pjesëmarrjen’. Këngëtarja e ka dëshiruar prej kohësh vendin e parë tek Kënga Magjike, ndaj ka marrë pjesë katër herë, për ta finalizuar më në fund me një super-fitore me këngën “E çmendur”.
“Kur u ktheva nga Greqia, gjëja e parë që doja të beja ishte të merrja pjesë në festivalin ‘Kënga Magjike’! E bëra. Nuk u futa në finale dhe kam qarë pafund atë natë,” tregon këngëtarja në një postim të ndjerë në Instagram, ku përshkruan emocionet e fitores.
“E kam dashur këtë festival që në fillim. Që para largimit tim kam qenë 2 herë pjesëmarrëse. Sot që jam fituesja e këtij festivali dhe është viti i 4-t rresht që marr pjesë, nuk i përshkruaj dot emocionet e mia.”
Kënga “E çmendur” me muzikë të Kledi Bahitit dhe tekst të Olti Currit mori një mbështetje të paparë nga publiku, që veë klikimeve, pëlqimeve dhe komenteve në rrjete sociale, nuk i kurseu duartrokitjet dhe ovacionet në të gjitha performancat e saj fill pas prezantimit tek “E diela shqiptare”./ anabel
