Një 30 vjeçar, është arrestuar nga policia e Vlorës me qëllim ekstradimi drejt Spanjës ku rezulton të jetë i dënuar me burg nën akuzën e pjesëmarrjes në grup kriminal.
Në pranga ka rënë, Xhuljano Hajrulla, i akuzuar për trafik të lëndëve narkotike dhe pjesëmarrje në grup kriminal.
I riu akuzohet se së bashku me anëtarët e grupit kriminal, ka përdorur shtëpi dhe ndërtesa industriale për kultivimin e kanabisit. Hajrulla dyshohet se ishte personi që merrej me transportimin e materialeve dhe kultivimin e plantacioneve. Në total, ky grup kriminal llogaritet se ka vjedhur vazhdimisht energji elektrike, duke i shkaktuar një dëm të madh financiar shtetit spanjoll.
