Që prej nisjes së luftës, Presidenti Vladimir Putin ka sakrifikuar mijëra tanke dhe dhjetra mijëra ushtarë në përpjekje për të pushtuar Ukrainën. Megjithatë, deri më tani Putin ka ngurruar që të përdorë avionë luftarakë apo helikopterë për të marrë epërsinë përmes luftimit ajror.
Goditja me raketa ka qenë mënyra kryesore që ka përdorur Putin për të goditur Ukrainën përmes ajrit, duke i ruajtur avionët luftarakë. Një prej avionëve luftarakë rus, modeli SU-35 kushton rreth 35 milionë funte.
Deri në një moment, kjo taktikë e përdorur nga Putin dukej se po funksiononte. Raketat ruse dhe dronët luftarakë, të prodhuar nga Irani, depërtonin “mbrojtjen” ajrore të Ukrainës dhe godisnin infrastrukturën kritike të vendit. Më 10 tetor, Ukraina rrëzoi 43 nga 83 raketa të lëshuara nga Rusia – një shkallë suksesi prej 52 për qind.
Integrimi i sistemeve perëndimore të mbrojtjes ajrore në ushtrinë ukrainase si Iris-T-të gjermanë, Nasams amerikanë dhe S-300 sllovake ka përmirësuar në mënyrë dramatike normat. Ukraina rrëzoi 61 nga 71 raketa në një ditë gjatë javës së kaluar – një përqindje suksesi prej 86 për qind.
Për të forcuar më tej mbrojtjen e Ukrainës, Shtetet e Bashkuara dhe Gjermania po armatosin Kievin me bateri të raketave Patriot, një nga sistemet më të sofistikuara në botë. Megjithatë, tani ka frikë se Kremlini mund të përpiqet të mposht mbrojtjen ajrore të Ukrainës me bombardues, avionë luftarakë dhe helikopterë sulmues, si dhe raketa, në një përpjekje për të kthyer luftën në favor të Moskës.
Douglas Barrie, bashkëpunëtor i lartë për hapësirën ajrore ushtarake në Institutin Ndërkombëtar për Studime Strategjike, tha se beteja e qiejve është në ekuilibër.
“Nëse Rusia nuk po e fiton këtë betejë, ajo as nuk po humbet për momentin”, tha ai. “Kur njerëzit flasin për degradimin e aftësisë ruse, ajo nuk degradohet në mënyrë uniforme. Lufta ajrore është pothuajse i paprekur.”
Barrie tha se nëse Ukraina po përgatitet për një ofensivë të gjerë në pranverë, ata mund të kthehen në një shënjestër shumë të lehtë të avionëve rusë.
“Nëse ukrainasit angazhojnë forca ushtarake kudo në terren, atëherë ata do të paraqiten si një objektiv i lehtë në perspektivën e Moskës,” tha ai.
Për më shumë se një vit, Ukraina ka ngatërruar parashikimet e shumë njerëzve duke ruajtur forcën e saj ajrore dhe duke penguar Rusinë të fitojë epërsi ajrore. Në vizitën e tij në Mbretërinë e Bashkuar në fillim të këtij muaji, Presidenti Zelensky i dhuroi Sir Lindsay Hoyle, Kryetarit të Parlamentit, një përkrenare të veshur nga një ACE luftarak në njohje të luftës së tyre ndërsa ai lutej për avionët perëndimor.
Edhe nëse vendet perëndimore do të pranonin nesër t’i dërgonin Ukrainës qindra avionë F-16 nga Shtetet e Bashkuara, Typhoon nga Evropa dhe Gripens nga Suedia, do të duhej shumë kohë për të integruar avionë të tillë luftarakë të avancuar në forcat e saj ajrore.
Ndërkohë, Putinit i ka mbetur ende një kartë për të luajtur dhe do ta vendosë në zbatim në momentin që e sheh të arsyeshme. Megjithatë, përdorimi i avionëve luftarakë mund të shndërrohet në një “bast” të kushtueshëm për Moskën.
