Një libër i publikuar disa kohë më parë ka zbuluar pjesën e errët të regjizorit të njohur Roman Polanski.
Libri është një biografi për jetën e bashkëshortes së tij të ndjerë Sharon Tate.
Ai përshkruan fëmijërinë e saj që prej konkursit të parë të bukurisë dhe deri në rolet e mëdha kinematografike.
Por në libër shkruhet edhe për jetën private e cila ka qenë një tmerr i vërtetë për bukuroshen amerikane.
“Polanski u tregua posesiv që prej momentit që u njoh me Sharon. Ai e mësonte si të vishej, si të kryente makijazh dhe si të sillej. Ai e kontrollonte atë në çdo aspekt”, thuhet në librin “Sharon Tate: A life”, të botuar nga ‘Da Capo Press”.
Por nuk ishte kjo pjesa më e vështirë e jetës së Sharon Tate.
Në libër përshkruhen me detaje orgjitë që Polanski kryente në vilat e tij ku merrnin pjesë miq të ndryshëm.
Ai e detyronte Sharon të merrte pjesë në to, dhe shpesh bënte seks tresh me gruan, ndonjë mik apo mikeshë të tij.
Polanski i filmonte këto marrëdhënie dhe më pas filmimet i shfaqte gjatë festave me miqtë e tij.
Ai kishte prirje sado-mazokiste dhe Sharon e përshkruante jetën me të si një torturë të vërtetë.
Ata u martuan në janarin e 1968 në Londër, dhe deri në vdekjen e saj në gushtin e 1969, kur u vra nga banda e “Charles Manson”, Polanski e përfshiu bashkëshorten në gjithfarë orgjish, ku shpesh e drogonte, raporton Daily Mail.
Sharon ishte shtatzënë në momentin që u vra.