Serbët kanë dhënë shifra të fryra gjatë ditës së djeshme për shitjen e biletave në prag të Partizan Beograd-Skënderbeu.
Burime zyrtare në klubin e Skënderbeut i thanë “Panorama Sport” se deri më tani nuk janë shitur as 12 mijë bileta. Klubi i referohet informacion zyrtar që ka marrë pak më parë në mbledhjen me përfaqësuesit e UEFA-s dhe homologët serb. Ndërkohë mediat serbe raportojnë për 20 mijë tifozë sot në stadium. Gjithçka mbetet për t’u parë në orën 19:00.