Pasi Gjykata e Posaçme e Apelit riktheu në qeli ish deputetin e PS, Alqi Bllako ka reaguar edhe avokati i tij, i cili ka thënë ai nuk përbën rrezik për tu larguar dhe për të prishur prova.
Sokol Hazizaj u shpreh se do i drejtohen Gjykatës së Lartë për këtë çështje, ndërsa theksoi se Apeli mbajti një qëndrim nuk e ka arsyetuar akoma.
“Për të njëjtat arsye dhe për të njëjtat shkaqe procedurale, gjykata e shkallës së parë mbajti qëndrim normal dhe Apeli mbajti një qëndrim nuk e ka arsyetuar akoma.
Shkalla e parë përdori argumente që erdhi nga organi procedurial i hetimit. Hetimi është drejt përfundimit. Bllako nuk përbën rrezik për prishjen e provave.
Sot nuk kishte rëndësi mbajtja e masës së sigurisë në burg apo një masë tjetër shtrënguese”, tha avokati.
Pyetje: Do i drejtoheni Gjykatës së Lartë?
Azizaj: Pa dyshim, kjo është proceduriale. Alqi Bllako nuk përben rrezik për tu larguar.
