Enkelejd Alibeaj ka mbledhur mëngjesin e sotëm Kryesinë e vogël e grupit të Partisë Demokratike. Takimi zhvillohet në ambientet e Kryesisë së Kuvendit.
Edhe në këtë mbledhje Partia Demokratike paraqitet e përçarë, pasi jo të gjithë kanë marrë pjesë.
Mësohet se mbledhja e vogël e Kryesisë është bojkotuar nga nënkryetari i grupit, Luçiano Boçi dhe sekretari i grupit të PD, Ervin Salianji. Ndërsa të pranishëm janë Arbi Agalliu dhe Oriola Pampuri.
Kjo mbledhja vjen një ditë pasi Grupi parlamentar i PD, propozoi një draft për kriteret dhe procesin e zgjedhjes së Presidentit të ri të Shqipërisë. Ky propozim nuk pranohet nga grupi i Rithemelimit. Në një reagim, Kryetari i Këshillit Kombëtar, Edi Paloka tha se këto janë propozime të Ramës që paraqiten si të opozitës.
