Dhjetëra kolegë e familjarë të nënkomisarit Saimir Hoxha i kanë dhënë atij lamtumirën e fundit ditën e djeshme.
I ftuar në Spotlight nga Alban Dudushi, në Vizion Plus, pedagogu Rezart Prifti duke iu referuar ngjarjes së rëndë të ndodhur të martën e 28-shtatorit, u shpreh se polici nuk duhet të kishte shkuar në vendngjarje. Problemi në gjithë këtë çështje nuk është Policia por tek kultura dhe boshti i vlerave në shoqëri të cilat kanë humbur, sipas pedagogut.
“Problemi nuk është tek Policia, ska ça bën ai i shkreti atje humbi jetën kot. Ai s’duhet të vete fare atje. Gjeneza këtu është se ne na ka dështuar kultura si shoqëri.
Nuk kemi kulturë, nuk kemi bosht vlerash dhe nuk kemi sistem edukimi. Polici nuk duhet të shkonte atje, sepse polici nuk rrezikon rrogën për as 500 mijë lek as për 600 mijë lekë.
Polici në Amerikë vete i armatosur deri në dhëmbë, jo se është budalla, por të thotë njëherë ndalo, po s’ndalove të bie.
Dhe ai zotëria, i shkreti atje, i tha atij ndalo, ai nuk ndaloi dhe çfarë… i ra atij këtij. Nuk ka ndodh ndonjë rast në 30 vjet në Shqipëri pas komunizmit, që një polic të ketë goditur një herë. Dhe pse…?”, tha Prifti.
Ndër të tjera, Prifti shton se me edukimin ka dështuar dhe familja në tërësi. Pedagogu deklaron për raste tronditëse në rrethe, i bindur se pedofilia është një fenomen mjaft i përhapur e për të cilin askush nuk flet sot.
“Këtu ka çeduar familja komplet, ka çeduar boshti i vlerave të shoqërisë tonë. Të gjithë Policinë ta marrësh ta çosh në Fushë-Krujë ska ça bën fare. Ore e dini ju se sot në Shqipëri, pedofilia nëpër rrethe është fenomen.
Pedofilia… me 10 vjeç vete ai. Sepse ne flasim gjithmonë në sipërfaqe. Ne themi gjithmonë gjëra që nuk i shkojnë kohës. Është 2021 dhe ne prapë u rrimë gjërave në sipërfaqe”, u shpreh Prifti.
