Instituti i Shëndetit Publik ka dhënë informacion për situatën gripale në vend.
Shefja e departamentit të sëmundjeve infektive në ISHP, Silva Bino, ka thënë se deri tani ka qarkulluar virusi gripal i tipit B por se janë analizuar mostrat e para me virusin e tipit AH1N1
“Tani kemi anlizuar mostrat e para me virusin e tipit AH1N1. Janë vetë tre mostra të analizuara në laborator. Nga analizat po vëmë re që po qarkullojnë viroza të tjera që shkaktojnë infeksione në rrugët respiratore. Qytetarët janë ende në kohë të bëjnë vaksinën antigrip. Jemi në pragun epidemik”, shprehet Bino.
Specialistët këshillojnë që sa më parë të bëhet vaksina antigrip. Sipas tyre më të prekur nga gripi janë fëmijët. Deri tani në pediatrinë e QSUT në Tiranë ka pasur 420 urgjenca./AlpeNews.al/
