Bashkitë e Agrinios dhe të Messologhi, në prefekturën perëndimore të Aetolia-Acarnania shpallën sot gjendjen e emergjencës, pas shirave të rrëmbyer që shkaktuan përmbytje dhe rrëshkitje toke.
Vendimi u mor nga prefekti i Greqisë Perëndimore, Apostolos Katsifaras pas një takimi me autoritetet lokale në Messologhi. Autoritetet vendosën edhe krijimin e komiteteve për të përcaktuar dhe vlerësuar dëmet në shtëpi, biznese dhe infrastrukturë.
Në Agrinio, banorët lokalë larguan me lopata baltën, gurë dhe objekte të tjera, të provokuara nga shirat e rrëmbyer. Një numër shëpish përdhese, biznese dhe dyqane u përmbytën në rajonet e Zevgaraki, Kenourgio, Kyra-Vgena dhe Paravola.
Në Messologhi, sipas vlerësimeve të para janë prekur më tepër rajonet e Aetoliko, Chrysovergi, Frangouleika dhe Iniades. Stuhitë prekën edhe më shumë se 30 shtëpi në Louros, ku banorët nuk aaritën dot të dilnin dhe u shpëtuan nga ekipet zjarrfikëse.
Në Platanakia, një urë metalike u shemb, ndërsa në Konitsa rruga kryesore u përmbyt pas daljes së lumit Sarantaporos./ balkanweb