Në seancën maratonë të ditës së sotme në parlamentin shqiptar ku deputetët kanë akuzuar njëri tjetrin, në fjalën e tij ish kryeministri i vendit Sali Berisha u bëri thirrje edhe deputetëve socialist për të kuptuar që “droga është me shumicë dhe është turpi i vendit”. Berisha e quan lajm të mirë faktin se opozita ishte ajo që denoncoi avionin në Ishëm dhe avionët e tjerë me drogë.
Ish kryeministri ngre akuza se pas rënies së avionit me drogë në Ishëm, Tahiri i ka dërguar Ramës në zyrë 3 milion euro për mos tu shkarkuar nga detyra.
“Si shpëtoi Saimir Trafiku burgut do thoni ju? I dërgoi 3 milionë euro në zyrë Noriegës tuaj, ja kështu shpëtoi”,- u shpreh Berisha.
Ish kryeministri tha se kreu i qeverisë nuk ka folur asnjë fjalë për paratë e sekuestruara biznesmenit dhe dy patentave të ish-ministrit.
“Pse Rama nuk thotë një gjysmë fjalë për eurot e sekuestruara. Pse nuk thotë gjysmë fjale për dy patentat. Pse zhduket nga Parlamenti ai? Ka një javë. Kjo ndodh sepse po i ngushtohet rrethe, jo Saimir trafikut, por Noriegës, Olsi trafikut. Po mos qe Edi me Olsin, Saimirit nuk do ia mbante kurrë, jo të jepte makinën, jo të blinte skafet, po as se mund të gjendej në këtë situatë. Në këto kushte, ku janë? Ikja dhe mbathja janë zgjidhja? Është e afërt dita kur ju të gjithë do të skuqeni duke parë se cili është Rama i vërtetë. Ka krijuar narko-shtetin dhe do të jetë viktimë kryesore e tij. Kjo ngrehinë e ndërtuar mbi drogë, do të zërë ramë, Olsi, Saimir trafikun dhe të gjithë ata që ndërtuan ngrehinën”, vijoi ish-kryeministri./AlpeNews.al/
