Ish-ministri i Mjedisit, Lefter Koka, i arrestuar disa javë më parë me urdhër të SPAK, ka përfunduar në spital.
Mësohet se ish ministri Koka është shtruar në spitalin e Burgjeve.
Ai është transferuar ditën e enjte në ambientet e spitalit të burgut, pasi ka shfaqur çrregullime të sistemit kardiak.
Lefter Koka u arrestua me 14 dhjetor me urdhër të Prokurorisë së Posaçme kundër Korrupsionit dhe Krimit të Organizuar (SPAK).
Koka akuzohet për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
