Andrew Cuomo është dorëhequr nga posti i guvernatorit të Nju Jorkut, pas akuzave të ngritura ndaj tij nga disa gra, sipas të cilave, 63-vjeçari ka bërë ndaj tyre prekje të padëshiruara apo jo konsesuale, sikurse edhe komente të natyrës seksuale.
Në një konferencë për shtyp ditën e martë, Cuomo këmbënguli se është i pafajshëm dhe se nuk ka prekur askënd, por tha se po tërhiqet nga posti i tij për të mirën e njerëzve, në mënyrë që qeveria të përqendrohet te pandemia dhe jo te çështje të tjera.
Andrew Cuomo do të zëvendësohet nga Kathy Hochul, brenda dy javësh.
