Kryetari i grupit parlamentar të PS, Taulant Balla ka komentuar qëndrimin e kryetarit të PD-së Lulzim Basha për investimet për ndërtimin e Unazës së Re.
Balla nga Belshi tha se projekti për ndërtimin e unazës së re është bërë nga ata që sot kundërshtojnë ndërtimin e saj, sipas tij në kohën kur Basha ka qenë Ministër Transporti dhe më pas Kryetar Bashkie
“Investimi në unazën e re është e vetmja mënyrë për të çliruar trafikun dhe qarkullimin në kryeqytet. Projekti për ndertimin e unazës së re është bërë nga ata që sot kundërshtojnë ndërtimin e saj, pra në kohën kur Basha ka qenë Ministër Transporti dhe më pas edhe si Kryetar Bashkie. Nuk mund të lemë disa ndërtesa të mbajnë peng të gjithë kryeqytetin. Ndërtimet që do te shemben do të kompensohen sipas ligjit. Edhe këtu ne Belsh na i desh të shembim disa godina për të nxjerrë në dritë liqenin dhe qytetin.”- u shpreh Balla.
Ditën e sotme kreu i PD, Lulzim Basha ishte në Astir për të mbështetur protestën e banorëve në këtë zonë, të cilët prej ditësh kundërshtojnë shembjen e banesave të tyre.
