Presidenti i Rusisë Vladimir Putin mbështet talebanët në luftën me Perëndimin.
Në samitin mes vendeve të Azisë Qendrore dhe Rusisë që u mbajt në Kazakistan, Putin u shpreh se ndërsa shërbimet e inteligjencës perëndimore “ushqejnë” grupet terroriste në Afganistan, Rusia ruan nivelin e nevojshëm të kontakteve me talebanët.
“Afganistani është ende një shqetësim i përgjithshëm për rajonin, sulmet terroriste, përfshirë shpërthimin pranë ambasadës ruse në Kabul në shtator, dëshmuan se për të normalizuar situatën në Afganistan, ne duhet të punojmë së bashku për të përmirësuar situatën. Le ta bëjmë ekonomikisht.
Në kufijtë tanë jugorë, fokusi i tensionit është në ‘gjendje te fjetur’, që paralajmëron rrezikun e shfaqjes së refugjatëve dhe kërcënimeve terroriste. Shërbimet speciale perëndimore, kryesisht amerikane, britanike, ushqejnë organizatat opozitare të talebanëve dhe i çojnë ata në bombardimin e kufijve të disa vendeve tona. Ne jemi të vetëdijshëm për rreziqet dhe kërcënimet që lidhen me të dhe për këtë arsye ruajmë nivelin e nevojshëm të kontaktit me udhëheqjen talebane”, tha Putin.
