Partia Demokratike e cila herë pas here ankohet publikisht për censurë të fjalës së lirë, duket se edhe vetë bllokon zërin e saj.
Edhe pse zyra e saj për media shpërndan çdo deklaratë banale të deputetëve Salianji, Balliu, Duma, etj, duket se të njëtin standart nuk zbaton edhe me deputeten Rudina Hajdari.
Kjo e fundit ka mbajtur një fjalim të fortë kundër të gjithë klasës politike duke i bërë përgjegjës për gjendjen e mjerueshme të vendit.
Fjalimi i Hajdarit nuk ka gjetur pasqyrim as nga faqja zyrtare e Partisë Demokratike në Facebook, as nga zyra e shtypit në grupin e Whatsapp dhe as me e-mail.
Ndërkohë, PD sot shpërndau disa herë show-n e Boçit dhe Salianjit duke fshehur fjalën e deputetes Hajdari.
Ja fjala e plotë e Rudina Hajdarit:
Sot kam ardhur vetëm për një arsye.
Jo për t’ju drejtuar këtij Parlamenti, as për t’ju thënë që kam ardhur këtu të marr një llokmë të studentëve, që t’ju them që jam këtu për të marrë mbështetjen e studentëve.
Unë i dua ata studentë, atyre bravo ju qoftë që po ndryshojnë historinë e këtij vendi.
Unë kam ardhur këtu për një arsye të vetme, për t’ju thënë ju që rrini nëpër kafe aty që asnjë nuk është në këtë seancë, dhe këtu kushdo që foli ishte një kryehajdut që asnjë nuk e do këtë vend dhe s’keni për ta dashur. Dhe nëse doni ju ndryshim në këtë vend, sillni Kodin Zgjedhor këtu.
Mos i mbani listat e mbyllura! Silleni këtu ta votojmë. Dhe atëherë do pastrojmë këtë Parlament. Do pastrojmë këtë kastë politike dhe do e ndryshojmë këtë vend.
Doni ndryshim për studentët?
Ndryshoni auditorët, kapni ata pedagogët aty. Ky eshte ndryshimi. nëse doni këtë vend mendoni seriozisht për vendin tuaj dhe mos hajdeni këtu të na bëni shoë politik sepse jemi të ngjeshur.
Ky vend është i ngopur. Këta studentë që dalin aty jashtë, nuk dalin sepse vetëm thjesht duan ndryshime.
Ata janë të lodhur nga çdo politikan, jane te lodhur nga ju, nga këta, nga çdo lloj politikani. Kanë humbur besimin nga çdonjëri prej jush.
