11 thertore të vogla në qytetin e Vlorës, u mbyllën pasi një aksion i AKU dhe i bashkisë së qytetit bregdetar konstatoi se asnjë prej tyre nuk plotësonte kushtet e nevojshme
Por kjo situatë ka vënë në hall tregtarët e mishit, të cilët protestuan para bashkisë për të kërkuar zgjidhje!
Ata shprehen se nuk janë kundër aksionit, por pretendojnë se ky vendim i penalizon sa kohë që qyteti nuk ka një thertore të mirëfillte
Rruga e vetme për tregtarët e mishit në vlorë tashmë kanë mbetur thertoret e Orikumit apo Novoselës, por sipas tregtarëve kjo ka kosto që do të reflektohej edhe në rritjen e çmimit të mishit për konsumatorët
Tregtarët e mishit në Vlorë, kërkojnë zgjidhje sa më të shpejtë pasi siç shprehen vetë tashmë kanë mbetur pa punë edhe pse paguajnë taksa.
