Kryetari i Partisë së Lirisë, Ilir Meta ka reaguar ashpër për tensionet në veri të Kosovës. Në një postim në Facebook, ai i quan akte të papranueshme dhune, sulmet e armatosura ndaj policisë së Kosovës.
Ish-presidenti i bën thirrje institucioneve të drejtësisë të marrin masa për autorët e këtyre sulmeve.
Një thirrje, Meta e kapër të shmangur çdo provokim që do të çonte në përshkallëzimin e tensionit dhe që minon sigurinë në Kosovë.
Postimi i Ilir Metës:
Dënoj me ashpërsinë më të madhe aktet e papranueshme të dhunës dhe sulmet e armatosura ndaj Policisë së Kosovës dhe personelit ndërkombëtar në Veri të Republikës së Kosovës dhe u bëj thirrje institucioneve të drejtësisë të venë sa më parë para drejtësisë autorët e tyre.
Apeloj fuqimisht domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.
