Policia Rrugore ka vijuar kontrollet në rrugët kryesore të vendin dhe njofton se në 24 orët e fundit ka zbuluar dy persona që keqpërdornin simbolet e policisë. Dy drejtuesit e mjeteve janë proceduar, pasi u janë gjetur dhe armë të ftohta.
Po ashtu bëhet me dijet se janë ndëshkuar me heqje të lejes së drejtimi shumë drejtues mjetesh që qarkullonin me shpejtësi që shkonte deri 198 km/orë.
Gjatë 24 orëve të fundit janë arrestuar në flagrancë 11 drejtues mjetesh, nga të cilët 7 për drejtim mjeti në gjendje të dehur dhe 4 për drejtim mjeti pa leje drejtimi.
Policia sqaron se ka pezulluar 61 leje drejtimi, nga të cilat 45 për drejtim mjeti me shpejtësi tej normave të lejuara dhe 16 për drejtim mjeti nën efektin e alkoolit apo në gjendje të dehur. Gjithashtu janë ndëshkuar me masë administrative 2413 drejtues mjetesh, për shkelje të ndryshme të Kodit Rrugor.
