Një aksion i Policisë së kryeqytetit ka bërë që të kapen pa leje drejtimi dhe në gjendje të dehur tre drejtues automjetesh.
Policia e Tiranës ka bërë njoftimet zyrtare lidhur me identitetin e 3 shoferëve dhe arsyen e ndalimit.
Ndaj tyre janë marrë masat e përcaktuara të sigurisë.
NJOFTIMET E POLICISË
Më datë 20.07.2018, u referuan materialet në Prokurorinë pranë Gjykatës Shkallës së Parë Tiranë, për shtetasin A.S, 36 vjeç, banues në Tiranë, pasi në rrugën “Sokrat Miho”, u kap duke drejtuar pa leje drejtimi motorin tip “Zongzheng” pa targë. Neni 291 i Kodit Penal.
Më datë 21.07.2018, u arrestua në flagrancë shtetasi A.Z, vjeç 20, banues në Tiranë, pasi në rrugën “Lek Dukagjini”, u kap duke drejtuar pa leje drejtimi, motorrin tip “Dayang”. Neni 291 i Kodit Penal.
Më datë 21.07.2018, u arrestua në flagrancë shtetasi E.H, vjeç 29, banues në Tiranë, pasi në rrugën “Llazi Miho”, u kap duke drejtuar në gjendje të dehur, mjetin e tij. Neni 291 i Kodit Penal.
