Krimi Ekonomik në Elbasan ka vënë në pranga një shtetas për kontrabandë cigaresh. I arrestuari është Hysni Topi, banues në lagjen “28 Nëntori” të qytetit.
Policia raporton se gjatë kontrollit të banesës, Topit iu gjetën dhe u sekuestruan në cilësinë e provës materiale 404 steka cigare të markave të ndryshme pa pullën fiskale të Ministrisë së Financës.
Materialet u referuan në Prokurorinë pranë Gjykatës së Shkallës Parë Elbasan, për veprat penale, “Tregëtimi dhe transportimi i mallrave që janë kontrabandë” dhe “Ruajtja ose depozitimi i mallrave kontrabantë”.
